Qurylys jobalaryna vedomstvodan tys saraptama júrgizý tártibi bekitilmek
ASTANA. KAZINFORM — Ónerkásip jáne qurylys mınıstrligi qurylys jobalaryna júrgiziletin táýelsiz keshendi saraptama men qala qurylysy jobalaryna arnalǵan saraptama qunyn anyqtaý qaǵıdalaryn bekitýdi usyndy. Osyǵan qatysty buıryq jobasy qoǵamdyq talqylaýǵa shyǵaryldy.
Qujat QR Qurylys kodeksiniń 24-baby 27) tarmaqshasyna sáıkes ázirlengen. Atalǵan qaǵıdalar qurylys jobalaryna vedomstvodan tys keshendi saraptama men qala qurylysy jobalaryna keshendi qala qurylysy saraptamasyn júrgizý jónindegi jumystardyń qunyn aıqyndaý tártibin reglamentteıdi.
— Atap aıtqanda, qaǵıdalarda qurylys jobalaryna vedomstvodan tys keshendi saraptama júrgizý jáne qala qurylysy jobalaryna keshendi qala qurylysy saraptamasyn júzege asyrý kózdelgen, — delingen habarlamada.
Sonymen qatar Ónerkásip jáne qurylys mınıstri buıryǵynyń jobasy atalǵan qaǵıdalardy bekitý maqsatynda ázirlengeni kórsetilgen.
Eske sala keteıik, V Ulttyq quryltaıda qurylys kompanııalarynyń ákimdikterge bergen ýádesi oryndalmaı jatqany problema retinde kóterildi. Quryltaı múshesi Marat Shıbutov ýádesin oryndamaıtyn kompanııalarǵa qomaqty aıyppul salý kerek dep otyr.