Qurylys talaptarynyń buzylýyna qatysty shaǵymdar kóbeıip barady – Oljas Bektenov

ASTANA. KAZINFORM – Premer-Mınıstr Oljas Bektenov qurylys sapasyn arttyrý kerektigin aıta kele, jańa qurylys kodeksinde sapaǵa qatysty birqatar shara qarastyrylǵanyn aıtty. 

- Ákimdikter qurylys jumystaryn ınjenerlik jelilermen úılestire otyryp júzege asyrýy qajet. Qurylystyń sanymen qatar sapasyn da esten shyǵarmaǵan jón. Ókinishke qaraı, keıingi jyldary ereje talaptarynyń buzylýyna jáne qurylys nysandarynyń ýaqtyly iske qosylmaýyna qatysty shaǵymdar sany kóbeıip barady, - dedi Oljas Bektenov Úkimet otyrysynda. 

Osy oraıda Úkimet basshysy bul máseleni júıeli túrde sheshý qajettigin aıtyp otyr. 

- Jańa qurylys kodeksiniń jobasynda qurylys sapasyna baqylaýdy kúsheıtý, salany tsıfrlandyrý, sáýlettik qadaǵalaýdyń tıimdiligin arttyrý boıynsha sharalar kesheni kózdeldi, - deıdi ol. 

Buǵan deıin Oljas Bektenov turǵyn úı kezeginde turǵandardyń tizimin bir júıege keltirý jumysynyń áli aıaqtalmaǵanyn aıtyp synǵa aldy.