Qurylys mamandyqtary boıynsha jyl saıyn 3 myńnan astam túlek daıarlanady
ASTANA. KAZINFORM — Qazaqstanda qurylys salasyna qajetti mamandar daıarlaýdy kúsheıtip, suranysqa ıe kásipter boıynsha memlekettik bilim berý tapsyrysyn ulǵaıtý josparlanyp otyr. Bul týraly Oqý-aǵartý mınıstri Juldyz Súleımenova Úkimet otyrysynda málimdedi.
Memleket basshysy kelesi jyldy Jalpyhalyqtyq aýqymdy qurylys jyly dep jarııalaǵan edi. Osyǵan baılanysty eńbek naryǵy men ınvestıtsııalyq jobalardyń qajettilikterine saı kadrlar daıarlaý mańyzdy mindetterdiń biri sanalady.
Jumysshy mamandyqtary boıynsha kadrlar 480 kolledjde daıarlanady. Bul oqý oryndarynda 131 myńnan astam stýdent bilim alyp júr. Jyl saıyn 51 myńnan astam maman daıarlanady.
— Qurylys mamandyqtary boıynsha shamamen 13 myń stýdent oqıdy. Sońǵy bes jylda jyl saıyn orta eseppen 3 myńnan asa túlek daıarlanady, — dedi Juldyz Súleımenova.
Sonymen birge suranysqa ıe mamandyqtar boıynsha memlekettik tapsyrysty ulǵaıtyp, kolledjderdiń jumys berýshilermen ózara is-qımyly kúsheıtilmek.
Keshe Memleket basshysy Qasym-Jomart Toqaev óz Joldaýynda aýqymdy qurylys jobalaryn muqııat iriktep, qatań baqylaý qajettigin aıtqan edi.
