Qurylys kodeksi Almatydaǵy turǵyn úı keshenderiniń bıiktigin qalaı retteıdi
ASTANA. KAZINFORM – Seısmıka máselesi aıasynda Almatydaǵy aýdandarǵa baılanysty birneshe qabatty turǵyn úıler salýǵa ruqsat etiledi. Bul týraly QR Ónerkásip jáne qurylys vıtse-mınıstri Qýandyq Qajkenov málim etti.
Onyń aıtýynsha, taý bókteri aımaǵynda úsh qabatty úıler salý qarastyrylǵan. Tıisti talaptar qala qurylysy reglamentinde bekitilip, qalanyń bas josparyn ázirleýge negiz bolady.
– Seısmıkalyq jáne tektonıkalyq syzattarǵa baılanysty, sondaı-aq ǵylymı-zertteý ınstıtýty jasaıtyn tıisti kartalar negizinde normatıvter ázirlenedi. Osy ereje aıasynda 5, 9 nemese 12 qabatty turǵyn úıler salý aımaqtary belgilenedi. Qala qurylysy týraly reglament osyny qamtıdy, - dedi Qýandyq Qajkenov.
Budan buryn habarlanǵandaı, búgin Parlament Májilisiniń jalpy otyrysynda Qurylys kodeksiniń jobasy men ilespe qujat birinshi oqylymda maquldandy.