Kýrıldegi Kýnashır aralynan kıttiń denesi tabyldy
ASTANA. QazAqparat - Ońtústik Kýrıldegi Kýnashır aralynyń jaǵasynan óli kıt tabyldy, dep habarlaıdy QazAqparat newsru.com saıtyna silteme jasap.
Teńiz sútqorekti janýarynyń denesi Tynyq muhıty jaqtaǵy Veslovskıı túbeginiń Veslo múıisindegi tolqyndar arasynda jatqan. Qoryq qyzmetkerleri oqıǵa ornyna baryp, mamandardyń genetıkalyq saraptama júrgizýi úshin kıt jasýshalarynyń synamalaryn aldy.
Kıttiń jaqyn arada ólgeni kórinip tur, sebebi ózge janýarlar onyń denesin jep úlgermegen, delingen habarlamada.
Qoryq qyzmetkerleri kıttiń soltústik súńgýiri (severnyı plavýn) ekenin anyqtady. Balyqtyń bul túri tumsyqty tuqymdas, otrıad tarmaǵy boıynsha tisti kıtter túrine jatady. Kıt denesiniń uzyndyǵy segiz metr, keýde tusynyń jýandyǵy shamamen úsh metr.
Bul kıttiń eń az túri jáne olar Tynyq muhıtynyń soltústik bóligindegi tereń sýlarda tirshilik etedi. Taralý aımaǵy Japon araldarynan Anadyr shyǵanaǵyna deıin qamtıdy. Úlken kıtterdiń uzyndyǵy 12-13 metrge deıin jetedi jáne 5-20 kıt toptasyp ómir súredi. Kóbinese kalmarlarmen qorektenedi.
Qoryq qyzmetkerleri ońtústikkýrıldik araldarda teńiz sútqorektileriniń óli denesiniń jıi tabylatynyn aıtýda. 2011 jylǵa deıin, ıaǵnı, qoryq jumys istegen 27 jylda 11 óli kıt tabyldy, olar - jolaqty, kashalottyq, tumsyqty jáne delfındik tórt túrli tuqymdas kıtter bolǵan.
Al 2012-2015 jyldary bes túrli kıt denesi jaǵaǵa shyǵyp qaldy, onyń biri - osy joly tabylǵan soltústik súńgýiri.
Kıtter men ózge de sútqorektilerdiń jaǵaǵa shyǵyp qalýynyń naqty sebebi áli anyqtalǵan joq. Sonymen qatar, Sahalındegi jurtshylyq qıyn jaǵdaıǵa tap bolǵan kıtterge turaqty túrde qol sozyp turatyn kórinedi.
