Kýrıl araldaryndaǵy Ebeko janartaýynyń kúli 3 km bıikke atqylaǵan
OŃTÚSTІK SAHALIN. TASS-QazAqparat – Výlkanologter sársenbi kúni Úlken Kýrıl qyrqasyndaǵy (RF Sahalın oblysy) Paramýshır aralynda ornalasqan Ebeko výlkany kúlin 3 km bıiktikke atqylaǵanyn tirkedi. Bul týraly jýrnalısterge Sahalın oblysyndaǵy Reseı Tótenshe jaǵdaılar mınıstrliginiń baspasóz qyzmeti málimdedi, dep habarlaıdy QazAqparat TASS agenttigine silteme jasap.
«3 shaqyrym bıikke kúl qaldyǵy shashyraǵan», - dep habarlady basqarma.
Qutqarýshylardyń sózinshe, janartaýǵa jaqyn mańdaǵy Soltústik Kýrıl qalasyna kúl shashyramaǵan, kúkirtsýtek ısi baıqalmaıdy. Turǵyndardyń ómirine qaýip tónip turǵan joq.Ebeko Paramýshırdiń soltústik bóliginde ornalasqan. Janartaý bıiktigi - 1 156 m. Janartaý 2016 jyldyń qarashasynyń ortasynda belsendi bola bastady. Ol úshin avıatsııaǵa qaýiptiń qyzǵylt sary túsi belgilengen. Bul janartaýdyń atqylaýy múmkin ekenin jáne asa belsendi ekenin bildiredi.