Kýrıl araldarynda teńizge batqan shekarashylardy izdestirý jumystary qıyndap otyr
ASTANA. 26 qańtar. QazAqparat - Kýrıl mańynda sýǵa batyp ketken Reseı shekarashylarynyń denesin Kýnashır aralynyń mańaıynan izdestirý jumystary áli jalǵasýda. Qazir 5 shekarashynyń múrdesi tabyldy, qalǵan bes shekarashy iz-túzsiz joǵalǵan. Ońtústik Kýrıl aılaǵynda 4 shekaralyq jáne 2 azamattyq keme jumystar júrgizýde. Aýa raıynyń qolaısyzdyǵyna baılanysty tikushaqtar izdestirý jumystaryna qatysa almaı otyr, dep habarlaıdy ITAR-TASS.
«Qazir Kýrıl araldarynda jeldiń jyldamdyǵy sekýndyna 22 metrge deıin jetti. Qarly aýa raıy da avıatsııany jumyldyrýǵa kedergi jasap otyr. Shekarashylardy izdestirýge 60-qa jýyq adam tartyldy, 10 shaqyrym jaǵalaý boıy qaraldy, alaıda, ázirge esh nátıje joq», - dep habarlaıdy izdestirý jumystaryn júrgizýshiler.
«Іzdestirý jumystaryna sýǵa súńgýshiler de tartylǵan edi, biraq olar aýa raıynyń qolaısyzdyǵyna baılanysty teńiz túbine túse almaıdy. Jumystar kúndizgi ýaqytta júrgizilýde», - deıdi olar.
Reseıdiń Federaldyq qaýipsizdik qyzmetiniń shekara basqarmasynyń qyzmetkerleriniń qaza bolýyna baılanysty RF QK 263-babynyń 3-tarmaǵy (teńiz kóliginiń qozǵalýy men paıdalanylýynda qaýipsizdik erejelerin buzý jáne odan eki jáne odan da kóp adamdardyń qaza bolýy) boıynsha qylmystyq is qozǵaldy.
