Kýrıl araldarynda 47 keńes jaýyngeriniń súıegi tabyldy
ASTANA. QazAqparat - Sahalındik izdeýshiler Shýmshý aralynan (Soltústik Kýrıl) Ekinshi dúnıejúzilik soǵys kezinde qaza tapqan 50 jaýyngerdiń súıegin tapty, dep habarlaıdy «Interfaks» «Reseı izdeý qozǵalysy» óńirlik bóliminiń tóraǵasy Artem Bandýraǵa silteme jasap.
«Osy ekspedıtsııadaǵy jumystyń nátıjeleri bizdi tańqaldyrdy. 1945 jyly tamyzda Kýrıl desanttyq operatsııasy kezinde qaza tapqan 47 keńes sarbazy men matrostarynyń súıegi tabyldy. Sondaı-aq, úsh japon sarbazynyń súıegin taptyq», - dedi ol.
Bandýranyń aıtýynsha, bes keńes sarbazynan izdeýshiler aty jazylǵan zattar tapqan - olardyń aty-jóni oıylyp jazylǵan qasyqtar, torsyqtar men etikterdiń óksheleri tabyldy, dep jazdy «Rossııskaıa gazeta».
Qazirgi tańda anyqtalǵan keńes jaýyngerleriniń týystary izdestirilip jatyr.
