Quryq porty qurǵaq júk tasıtyn jańa kememen tolyqty
AQTAÝ. KAZINFORM - Quryq teńiz portyndaǵy Sarja termınalynyń aılaǵynda qurǵaq júk tasymaldaýǵa arnalǵan jańa keme sýǵa jiberildi. Іs-shara aıasynda teńiz dástúrine saı tusaýkeser rásimi ótkizildi.
Kemege Qazaqstannyń eńbek sińirgen munaıshysy, Aqtaý qalasynyń Qurmetti azamaty Násipqalı Marabaevtyń esimi berildi.
Zamanaýı tehnıkalarmen jabdyqtalǵan «Nasipkali Marabayev» kemesi qurǵaq jáne jalpy júkterdi tasymaldaýǵa arnalǵan. Júk kótergishtigi — 7 000 tonna, uzyndyǵy — 136 m, eni — 16 m, bıiktigi — 7 m. Ártúrli klımattyq jaǵdaıǵa beıimdelgen keme ashyq teńizder men ózenderde de qozǵala alady.
Kólikti jumysyn jańa bastaǵan qazaq-arab birlesken keme qatynasy kásiporny basqarady. Kemede 14 adamnan turatyn bilikti qazaqstandyq ekıpaj qyzmet etedi.
Saltanatty shara aıasynda birlesken keme qatynasy kásipornyn ashqan Qazaqstan jáne BAÁ kompanııalary Kaspıı teńizinde júretin jańa kemelerge ınvestıtsııa tartý týraly memorandýmǵa qol qoıdy. Kásiporyn 2027 jylǵa deıin keme sanyn altyǵa jetkizýdi josparlap otyr.
Aıta keteıik, qazirgi tańda Quryq mańyndaǵy Sarja kópfýnktsıonaldy teńiz termınalynyń qurylysy jalǵasyp jatyr. Joba aıasynda alty termınal salý josparlanǵan. Bul termınaldar 2030 jylǵa deıin Transkaspıı dáliziniń ótkizý qabiletin jylyna 5 mln tonna qurǵaq jáne 7 mln tonnadan astam suıyq júkke deıin arttyrýǵa múmkindik beredi.
Búgin Prezıdent Marat Qarabaevqa Transkaspıı halyqaralyq kólik dálizin damytýdy tapsyrdy.
Aıta keteıik, Transkaspıı halyqaralyq dálizi arqyly júk tasymaly 10 mln tonnaǵa artady.