Quryq porty arqyly Eýropaǵa júk kólikteri tasymaldana bastady
AQTAÝ. KAZINFORM – Ótken aıda 100 avtokólik Baký portyna jetkizilip, odan ári Eýropa elderine jóneltilgen. Endi aı saıyn 500 kólik tasymaldaý josparda.
Nátıjesinde júk aınalymy – 19 mlrd dollar bolmaq. Bul jobaǵa Aqtaý halyqaralyq áýejaıy da atsalysady. Olar aýyr júk kólikterin saqtap, tıep, ushaqpen tasymaldaıdy. Osy maqsatta – atalǵan kásiporyndar qytaılyq kompanııamen kelisimshart jasady.
- Qaı memlekettiń kóliktik logıstıkasy órkendese, ekonomıkasy damıdy. Búgingi kelisim arqyly tek Aqtaýǵa ǵana emes, jalpy Qazaqstanǵa, sol arqyly Eýropaǵa ótetin úlken joldy ashyp jatyrmyz. Bul - tarıhı sát. Qytaı bırjasyndaǵy iri logıstıkalyq kompanııasy retinde jergilikti ákimdikpen, áýejaı jáne teńiz portymen baılanys ornatý men úshin úlken qýanysh, - deıdi Qytaı kompanııasynyń basshysy Chjan Tszınıýı.
Quryq portynyń basshysy Serik Ahmetov aldaǵy ýaqytta Transkaspıı halyqaralyq kólik dálizi arqyly júk tasymaly artatynyn alǵa tartty.
- Bul óńirde kólik logıstıkasyn damytýǵa aıtarlyqtaı áser etedi. Mańǵystaýdyń geografııalyq ornalasýyn eskersek, búgingi jasalǵan memorandým Quryq portynyń qazirgi ál-aýqatyn odan ári arttyrýǵa múmkindik beredi. Memleket basshysynyń Joldaýynda aıtylǵandaı «Jasyl dálizdi» damytamyz. Oblystaǵy porttarda júk tasymaly arta túsedi, - deıdi ol.
Aıta keteıik, bıyl jyl basynan beri Quryq porty arqyly 1 myń tonnadan astam júk tasymaldanǵan. Bul ótken jyldyń osy kezeńimen salystarǵanda 24 paıyz kóp.
Buǵan deıin, Jańaózende gaz óńdeý zaýytynyń qurylysy bastalǵany týraly jazǵan bolatynbyz.