Qurǵaqshylyqtyń paıdasy: Irakta sý astynan qola dáýirindegi saraı tabyldy
NUR-SULTAN. QazAqparat - Halyqaralyq arheologtar toby Mesopotamıdiń soltústiginen qola dáýirine tıesili saraıdyń qurylys úıindilerin tapty, dep habarlady 27 maýsym kúni Germanııanyń Tıýbıngen ýnıversıteti.
Saraı Iraktyń soltústigindegi Mosýl sý qoımasynyń túbinen tabyldy. Qazba jumystaryn júrgizý qurǵaqshylyq saldarynan sý deńgeıiniń túsip ketýinen keıin ǵana múmkin boldy. Buǵan deıin ol sý astynda jatqan. Saraı shamamen bizdiń eramyzǵa deıingi ІІ ǵasyrǵa tıesili.
Arheolog Ivana Pýlız anyqtaǵandaı, ǵımarat qabyrǵasynan qyzyl jáne kók tústi sýretter, jazbalar, kirpish plıtkalar tabyldy. Qurylys kesheni bizdiń eramyzǵa deıingi XV-XIV ǵasyrlardaǵy Mıtannı patshalyǵyna jatatyny belgili boldy.
«Mıtannı patshalyǵy kóne shyǵys memleketteriniń ishindegi az zerttelgen elderdiń qatarynda. Sondyqtan saraıdyń ashylýy úlken ǵylymı mánge ıe», - dep sanaıdy Pýlız.
