Qurǵaqshylyqtan saqtandyrýǵa ótinim qabyldaý merzimi uzartyldy

NUR-SULTAN. QazAqparat - Qazaqstanda qurǵaqshylyqtan ındeksti saqtandyrýǵa ótinimderdi qabyldaý merzimi uzartyldy, dep habarlaıdy QazAqparat tilshisi.

«Fermerler 30 sáýirge deıin saqtandyrý múmkindigin aldy. Fermerler atynan ótinimder qabyldaý merzimin keıinge qaldyrý týraly usynysty «Aýyl sharýashylyǵyn qarjylaı qoldaý qory» AQ jasady. Osyndaı bastamany birneshe qazaqstandyq saqtandyrý kompanııalary da kótergen bolatyn», - delingen Qazaqstan Aýylsharýashylyq saqtandyrý qaýymdastyǵy baspasóz qyzmeti málimetinde.

Budan buryn habarlanǵandaı, fermerlerdiń ótinish berý men eginderin qurǵaqshylyqtan saqtandyrý múmkindigi tek 15 sáýirge deıin bolǵan.

Alaıda Qorǵa fermerlerden túsken ótinishterdiń kóbi merzimderdi uzartýmen baılanysty bolǵandyqtan, osy másele sheshimin tapty.