Qurǵaqshylyq Qytaıǵa 6,5 mlrd. dollar zalal keltirdi
ASTANA. 16 tamyz. QazAqparat - QHR-dyń ońtústik aımaqtaryndaǵy qurǵaqshylyq 13 mln.-ǵa jýyq adamdy aýyzsýsyz qaldyrdy. Bul týraly Qytaıdyń azamattyq ákimshilik mınıstrligi málimdedi, dep habarlady vestifinance.ru.
Aptap ystyqtyń jalǵasýy jáne jaýyn-shashynnyń bolmaýy Anhoı, Hýnan, Gýıchjoý, Tszıansı, Hýbeı jáne Chjetszıan provıntsııalarynyń sharýashylyqtaryna eleýli zııan keltirdi.
Qytaıdaǵy qurǵaqshylyqtan kelgen ekonomıkalyq zalal shamamen 6,5 mlrd. dollarǵa baǵalanyp otyr. 900 myń gektar alqaptyń egistigi kúıip ketti. Ásirese Hýnan jáne Gýıchjoý provıntsııalarynda jaǵdaı aýyr.
Sý tasqynymen jáne quraqshylyqpen kúres jónindegi memlekettik shtab jergilikti ókimet oryndary men vedomstvolardan osy jylǵy shildeden beri alapat qurǵaqshylyqqa ushyraǵan aýdandardy aýyzsýmen qamtamasyz etýdiń pármendi sharalaryn qolǵa alýdy talap etti.
