Qurǵaqshylyqqa baılanysty Ózbekstan meshitterinde tasattyq beriledi

TAShKENT. KAZINFORM — Bıyl kúzdiń jańbyrsyz ótýine baılanysty osy jumada Ózbekstannyń barlyq meshitterinde tasattyq beriledi, dep habarlaıdy Kazinform agenttiginiń menshikti tilshisi.

Ózbekstan musylmandary basqarmasynan málim etkendeı, oblys, aýdan jáne qalalyq ortalyq meshitterde jaýyn tileý namazy oqylady. Sondaı-aq, qurbandyq shalynyp, et muqtaj otbasylarǵa taratylady.

Munymen birge, Ózbekstan musylmandary basqarmasy qazir Mekke men Medınada qajylyq paryzyn ótep júrgen azamattarǵa da jaýyn tileý namazyn oqýdy usyndy.

Buǵan deıin habarlaǵynymyzdaı, Tashkenttegi aýa sapasy nasharlap barady. Bıyl jaz ben kúz mezgilderi jaýynsyz ótti. Tıisinshe, bul kúnderi shań kóterilip, ekologııalyq ahýal kúrdelene tústi.

Qosa ketsek, qarasha aıynyń orta kezeńinde Ózbekstan astanasynda Ortalyq Azııanyń rýhanı muralary jaıly halyqaralyq kongress ótti. Onyń barysynda Ortalyq Azııa jáne Ázerbaıjannyń mádenıet pen óner maıtalmandary, ǵalymdary men tarıhshylary ózara pikir almasyp, ortaq usynystar ázirledi.