Qurǵaq shópti órtegender sotqa tartylýy múmkin - Pavlodar oblysy
PAVLODAR. QazAqparat -Shóp órtegen eki sharýa qojalyǵy tikeleı nemese janama keltirilgen nuqsan úshin aıyppul tóleýge mindettelýi múmkin, dep habarlaıdy pavlodarnews.kz.
Aımaqtyq jer qoınaýyn paıdalaný, qorshaǵan orta jáne sý resýrstary basqarmasynyń aıtýynsha, Pavlodar oblysynyń memlekettik orman qorynda 7 órt oqıǵasy tirkelgen. Olardyń beseýi aýyldyq jerler men sharýa qojalyqtarynan kóshken. Qurǵaq shópti órteýshilerdiń basym bóligi fermerler bolǵandyqtan, aımaqta olarǵa qatań jaza qoldanylady dep sheshildi.
«Búgingi kúni Aqsý jáne Maı aýdandarynda shóp órtegen eki sharýa qojalyq ıelerine 10 AEK kóleminde aıyppul salyndy. Atalmysh jaǵdaı qaıtalanatyn bolsa, aıyppul kólemi 1500 AEK-ke deıin ósýi múmkin. Eki oqıǵa boıynsha is materıaldary aýdandyq ishki ister bólimderine, TJ departamentine jáne Ekologııa departamentine jiberildi. Órt qoıýdan shyqqan tikeleı nemese janama nuqsan kólemi anyqtalady, sodan keıin zalaldy óteý úshin sharýa qojalyqtaryna sotqa shaǵymdanýǵa múmkindik beriledi, - deıdi basqarma basshysy Talǵat Beshenbaev. – .
Mamannyń aıtýynsha, sońǵy jyldary jaǵdaı qaıtalanyp otyr, ıaǵnı kóktem kelisimen sharýa qojalyqtarynyń ıeleri óz alqaptarynda qurǵaq shópke ádeıi órt qoıady. Olar jalyn basqa eldi mekenderge nemese orman alqaptaryna kóshedi dep oılamaıdy. - Ókinishke oraı, fermerlerdiń kóbi tilsiz jaýdy baǵyndyrý qıynǵa soǵatynyn esten shyǵaryp, tek óz sharýa qojalyqtaryn jańa shóppen qamtamasyz etýlerin kózdedi, - deıdi Talǵat Beshenbaev. – Sonyń saldarynan bizdiń orman alqaptarymyz, janýarlar men eldi mekenderimiz zardap shegedi.
Aıta keterligi, 8 sáýir kúni Lenın kentinde 30 gektar jerde kezekti órt shyqty. Tilsiz jaýmen kúresýge 10 saǵat ýaqyt jumsaldy. Órt sóndirýge 16 tehnıka, TJ boıynsha departamentiniń qyzmetkerleri, eriktiler jáne orman jáne janýarlar dúnıesin qorǵaý mekemesiniń jumysshylarynan qurylǵan 57 adam jumyldyryldy.