Kúresten U20 Azııa chempıonaty: Qazaqstan eki altyn medal jeńip aldy
ASTANA. KAZINFORM — Taılandtyń Pattaııa qalasynda ótip jatqan U20 jas sanatyndaǵy Azııa chempıonatynda erkin kúresten básekeler aıaqtaldy.
Búgin, 5 shildede ulttyq qurama balýandary eki altyn, bir kúmis jáne bir qola medal jeńip aldy.
61 kelige deıingi salmaqta Bekasyl Asambek aqtyq synda úndistandyq Pýshptan basym tústi.
74 kelige deıingi salmaqta Nurdáýlet Seıilbekov fınalda ırandyq Mohammad Mamıvandty jeńdi.
Al 92 kelige deıingi salmaqta Beıbarys Erǵalı túrikmenstandyq Dovletgeldy Mýradovqa jol berdi. Osylaısha, otandasymyz kúmis medalǵa ıe boldy.
Al 86 kelige deıingi salmaqta Ashab Hadjıev qola júlde úshin ótken beldesýde Sahıl Dalaldy (Úndistan) aıqyn basymdyqpen jeńdi.
Aıta keteıik, buǵan deıin Suńqar Seıdahmet (70 kelige deıin) jáne Samır Dýrsýnov (97 kelige deıin) kúmis medal alsa, Aıbek Qalıahmet (79 kelige deıin) qola medalǵa ıe bolǵan edi.
Aıta ketelik úsh qazaqstandyq balýan kúresten U20 Azııa chempıonatynyń fınalyna ótken edi.
