Kúresten Qazaqstan chempıonatynda áskerı balýandar jeti medal jeńip aldy
ASTANA. KAZINFORM – Astanada Jaqsylyq Úshkempirov atyndaǵy «Jekpe-jek» saraıynda eresekter arasynda grek-rım jáne erkin kúresten respýblıkalyq chempıonat ótip jatyr.
Saıysqa elimizdiń 20 óńirinen 600-den astam sportshy qatysyp jatyr. Jarys qorytyndysy boıynsha Ortalyq sport klýbynyń sportshylary 3 altyn, 3 kúmis jáne 3 qola medal jeńip aldy.
Qarýly kúshterdiń qyzmetshileri Álimhan Syzdyqov 130 kelige deıingi, Meıirjan Shermahanbet 67 kelige deıingi jáne efreıtor Aıdos Sultanǵalı 60 kelige deıin salmaq dárejesinde chempıon atandy. Kúmis júlde Qarýly kúshterdiń qyzmetshisi Maqsat Saılaýǵa buıyrdy.
Merzimdi qyzmet sarbazy Esbol Kamalıev 55 kelige deıingi salmaq dárejesinde, Qarýly kúshterdiń qyzmetshileri Islam Ýmaev 97 kelige deıingi jáne Dıas Kalen 87 kelige deıingi salmaq dárejesinde qola medalǵa ıe boldy.
Demalys kúnderi erkin kúresten erler men áıelder arasyndaǵy chempıondar men júldegerler anyqtalady.
