Kúresten eki dúrkin Olımpıada chempıony ashtyq jarııalady
ACTANA. 3 naýryz. QazAqparat - Eki dúrkin Olımpıada chempıony Armen Nazarıan Halyqaralyq olımpıada komıtetiniń olımpıada baǵdarlamasynan kúresti alyp tastaý sheshimine qarsylyq retinde ashtyq jarııalady,
dep habarlady BBC Russian .
«Men ashtyq jarııalaý arqyly Halyqaralyq olımpıada komıteti atqarýshy komıssııasynyń usynysyna qarsylyq bildiremin. Kúres olımpıada baǵdarlamasynda únemi bolyp keldi jáne ony alyp tastaý durys emes», - dep atap ótti A.Nazarıan Reseıdiń Sport kúresi federatsııasynyń saıtynda jarııalanǵan úndeýinde. Onyń aıtýynsha, ashtyq aktsııasyna erkin kúresten Bolgarııa quramasynyń jattyqtyrýshysy da qosylatyn bolady. Nazarıan Tbılısıde kúresten Eýropa chempıonaty bastalatyn kún - 22 naýryzǵa deıin tek sırop ishýge ýáde etti.
1996 jyly Nazarıan Atlantyda ótken Olımpıada oıyndarynda Armenııa týynyń astynda óner kórsetip, altyn medalǵa ıe boldy. Keıin ol Bolgarııaǵa kóship ketti, qazir jarystarǵa osy eldiń atynan shyǵýda. 2000 jyly ol kezekti ret Olımpıada chempıony atandy. Budan bólek ol álemniń úsh dúrkin chempıony jáne Eýropanyń alty dúrkin chempıony bolyp tabylady.
