Kúresten Azııa chempıonaty: Qazaqstandyq balýan qyzdar alǵashqy júldesin jeńip aldy

NUR-SULTAN. QazAqparat - Delıde (Úndistan) kúres túrlerinen ótip jatqan Azııa chempıonatynda el qorjynyna áıelder kúresinen alǵashqy júlde tústi, dep habarlaıdy QazAqparat tilshisi.

Atap aıtsaq, áıelder kúresinen 50 keli salmaqta el namysyn qorǵaǵan Valentına Islamova qola medal úshin ótken kezdesýde vetnamdyq qarsylasyn 10:0 esebimen utyp, úzdikter qatarynan kórindi.

Sondaı-aq, búgin taǵy úsh balýan qyzymyz qola medal úshin synǵa túsedi. Olar - 55 kelidegi Marına Zýeva, 59 kelide Mádına Baqbergenova jáne Elmıra Syzdyqova.

Aıta keteıik, keshe grek-rım kúresiniń sheberleri jarysty aıaqtap, búgin áıelder arasyndaǵy báseke bastalǵan bolatyn. Grek-rım balýandary qurlyq dodasyn bes medalmen aıaqtady. Onyń bireýi - altyn, bireýi - kúmis jáne úsheýi - qola medal. Nátıjesinde jalpy esepte 136 upaımen úzdik úshtikten kórindi.

Azııa chempıonatynda 190 upaı jınaǵan Iran quramasy kósh bastasa, ekinshi oryndy 146 upaı enshilegen Ózbekstan quramasy jeńip aldy.