Kúresten Azamat Dáýletbekov pen Nachyn Kýýlar Azıadanyń qola júldesine talasady
ASTANA. KAZINFORM - Japonııanyń Aıchı prefektýrasy men Nagoıa qalasynda ótip jatqan jazǵy Azııa oıyndarynda kúres túrlerinen jarys jalǵasyp jatyr, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
86 kelidegi Azamat Dáýletbekov jubanysh beldesýinde Úndistan balýany Noman Zakany 10:0 esebimen jeńdi. Endi ol 3-oryn úshin Sýldhýý Olonbaıarmen (Mońǵolııa) jolyǵady.
65 kelidegi Nachyn Kýýlar da jubanysh beldesýinde Saýd Arabııasynyń sportshysy Abdýllatıv Mohammed Álbakrıdi 4:0 esebimen jeńdi. Endi Nachyn júlde úshin Kvang Jın Kımmen (Soltústik Koreıa) kúresedi.
Aıta keteıik, buǵan deıin Zeınep Baıanova (50 keli), Edige Qasymbek (125 keli) qola júldege jáne Elmıra Syzdyqovanyń altyn júldege talasatyndyǵy belgili bolǵan edi.
Fınaldyq kezeń Astana ýaqytymen 14:00-de ótedi.
Osyǵan deıin Elmıra Syzdyqovanyń kúresten Azıadanyń fınalyna shyqqanyn jazdyq.
https://kaz.inform.kz/news/elmira-sizdikova-kuresten-aziadanin-finalina-shikti-344302cc/
