Kúresten álem chempıonaty: Tórt salmaq boıynsha júldegerler anyqtalady
NUR-SULTAN. QazAqparat –Búgin elordada kúres túrlerinen lıtsenzııalyq álem chempıonatynyń besinshi jarys kúni bastalady, dep habarlaıdy QazAqparat.
Elordada ótip jatqan álem chempıonatynda áıelder kúresinen 57, 59, 65 jáne 76 keli salmaq dárejesindegi irikteý aınalymy bastalady. Sondaı-aq, 50, 53, 55 jáne 72 keli salmaq dárejesinde chempıondar men júldegerlerdiń esimderi belgili bolady. Onyń ishinde 55 kelide el namysyn qorǵaǵan Marına Sedneva, 72 kelide synǵa túsken Jámıla Baqbergenova jáne 50 keli salmaqta beldesken taǵy bir balýanymyz Valentına Islamova qola medal úshin beldesedi.
18 qyrkúıek kúngi jarys kestesi:
11.00-15.00 – áıelder kúresinen 57, 59, 65 jáne 76 keli salmaq dárejesindegi irikteý aınalymy;
11.00-15.00 - áıelder kúresinen 50, 53, 55 jáne 72 keli salmaq dárejesindegi jubanysh beldesýleri;
16.45-17.45 - áıelder kúresinen 57, 59, 65 jáne 76 keli salmaq dárejesindegi jartylaı fınaldyq básekeler;
18.00-21.00 - áıelder kúresinen 50, 53, 55, 72 keli salmaq dárejesindegi fınaldyq básekeler jáne marapattaý rásimi.
