Kúresten álem chempıonaty: Búgin 3 balýan jarysqa shyǵady
NUR-SULTAN. QazAqparat - Serbııa astanasy Belgrad qalasynda ótip jatqan kúres túrlerinen álem chempıonatynda búgin, 17 qyrkúıekte erkin kúresten úsh balýan bozkilemge shyǵady, dep habarlaıdy QazAqparat tilshisi.
Dúbirli dodada búgin qazaqstandyq jankúıerler elimizdiń quramasynan úsh balýannyń beldesýin tamashalaı alady. Olardyń qatarynda Asyl Aıtaqyn (61 keli), Ádil Ospanov (65 keli) jáne Mamed Ibragımov (97 keli) bar.
Jarystyń atalǵan satysyndaǵy saıystar elorda ýaqytymen 14:30-de bastalady.
Aıta ketsek, erkin kúresten 86 keli salmaqta Azamat Dáýletbekov qola júlde aldy.
Eske salsaq, budan buryn áıelder kúresinen Jámıla Baqbergenova kúmis júlde aldy.
Sondaı-aq grek-rım kúresinen Aıdos Sultanǵalı qola júldeger atandy.
Foto: olympic.kz
