Kúresten álem chempıonaty: Balýan qyzdar synǵa túsedi
NUR-SULTAN. QazAqparat – Búgin elorda tórinde kúres túrlerinen ótip jatqan álem chempıonatynyń tórtinshi kúni bozkilemde balýan qyzdar arasynda jarys bastalady, dep habarlaıdy QazAqparat tilshisi.
Atap aıtar bolsaq búgin, áıelder kúresinen 50, 53, 55 jáne 72 keli salmaqta irikteý aınalymdary ótedi.
Sondaı-aq, grek-rım kúresinen erler arasyndaǵy 67, 87 jáne 97 keli salmaq dárejelerinde jeńimpazdar anyqtaldy.
17 qyrkúıek kúngi jarys kestesi:
11.00-15.00 – áıelder kúresinen 50, 53, 55 jáne 72 keli salmaq dárejesindegi irikteý aınalymy;
11.00-15.00 - grek-rım kúresinen 60, 77 jáne 130 keli salmaq dárejesindegi jubanysh beldesýleri;
16.45-17.45 - áıelder kúresinen 50, 53, 55 jáne 72 keli salmaq dárejesindegi jartylaı fınaldyq básekeler;
18.00-20.30 - grek-rım kúresinen 60, 77, 130 keli salmaq dárejesindegi fınaldyq beldesýler jáne marapattaý rásimi.
