Kúresten Álem chempıonatynda el namysyn qorǵaıtyn balýandar anyqtaldy
ASTANA. KAZINFORM – 21-27 qazanda Albanııanyń Tırana qalasynda kúres túrlerinen U23 álem chempıonaty ótedi. Atalǵan synda qazaqstandyq balýandar da óz baqtaryn synaıdy.
Aıta ketsek, jaqynda ǵana Ispanııada 20 jasqa deıingi sportshylar arasyndaǵy álem birinshiligi aıaqtalǵan bolatyn. Al Albanııa 23 jasqa deıingi balýandar arasynda álem chempıonatyn qabyldaýǵa daıyndyq ústinde.
Albanııadaǵy álem chempıonatyna erkin, grek-rım jáne áıelder kúresinen 23 jasqa deıingi Qazaqstan komandasy tolyq quramda qatysady. Tıranaǵa attanatyn sportshylar qatarynda eresekter sapynda talaı týrnırdiń dýyn kórgen sportshylar da bar. Odan bólek, 2023 jylǵy álem chempıony, 20 jasqa deıingi sportshylar arasyndaǵy álem birinshiliginiń jeńimpazy Rızabek Aıtmuhan da taǵy bir márte álem chempıony ataǵy úshin bózkilemge shyǵýǵa bekinip otyr.
Erkin kúres sheberleriniń jattyǵý jıyny eki kezeńge bólingen. Balýandar aldymen 20 qyrkúıek pen 5 qazan aralyǵynda «Aqbulaq» olımpıadalyq ortalyǵynda daıyndalsa, jattyǵýdyń sońǵy kezeńi 8-23 qazan aralyǵyna josparlanǵan.
Erkin kúresten U23 álem chempıonatyna qatysatyn Qazaqstan komandasy:
57 keli: Alan Oralbek
61 keli: Ádilet Álmuhamedov
65 keli: Bekzat Ermekbaı
70 keli: Ernur Nurǵazy
74 keli: Áli anyqtalý ústinde
79 keli: Jeńis Qanybekov
86 keli: Nurjan Isaǵalıev
92 keli: Bekzat Amanǵalıev
97 keli: Rızabek Aıtmuhan
125 keli: Omarhan Nadırov
Qazaqstan qyzdar quramasy da álemdik jarysqa qyzý daıyndyq ústinde. Komandanyń aǵa jattyqtyrýshysy Qýanysh Jaqsybaı el chempıonaty men Azııa birinshiligi syndy jarystardyń qorytyndysy esepke ala otyryp, komandany jasaqtaǵan.
Áıelder kúresinen U23 álem chempıonatyna qatysatyn Qazaqstan komandasy:
50 keli: L. Ǵanıqyzy
53 keli: Z. Baıanova
55 keli: A. Áshimova
57 keli: Sh. Ómirbek
59 keli: G. Bekesh
62 keli: T. Dýbek
65 keli: G. Óserbaı
68 keli: B. Seıdýáli
72 keli: A. Panasovıch
76 keli: A. Ertóstik
Grek-rım kúresinen aǵa jattyqtyýshy Jańabek Ospanov ta atalǵan týrnırge eń myqty sportshylardy daıyndap jatqany belgili.
Grek-rım kúresinen qurama aldaǵy ýaqytta belgili bolady.
