Kúresten ÁCh: Nursultan Tursynov birinshi beldesýinde jeńiske jetti
NUR-SULTAN. QazAqparat - Norvegııanyń Oslo qalasynda kúresten álem chempıonaty aıaqtalýǵa jaqyn. Búgin grek-rım kúresiniń sheberleri 63, 67 jáne 87 keli salmaqta synǵa túsedi, dep habarlaıdy QazAqparat Olympic.kz-ke silteme jasap.
Qazaqstandyq Nursultan Tursynov álemdik dodany sátti bastady. 87 kelige deıingi salmaqta baq synaıtyn ol irikteý kezeńinde ýkraınalyq ıÝrıı Shkrıýbany 10:0 esebimen utty.
Týrnırdiń 1/8 aınalymynda Tursynov vengrııalyq Ishtvan Takashpen beldesedi.
Sondaı-aq, búgin boz kilemge Sultan Ásetuly (63 keli) men Almat Kebispaev (67 keli) shyǵady.
