Kúresten ÁCh: Nurǵoja Qaıpanov «altynǵa» talasady
NUR-SULTAN. QazAqparat – Elorda tórinde kúres túrlerinen ótip jatqan lıtsenzııalyq Álem chempıonatynyń aıaqtalýyna jaqyn qaldy, dep habarlaıdy QazAqparat tilshisi.
Keshe, áıelder kúresinen 62, 68 keli, erkin kúresten 57 jáne 65 keli salmaqta jeńimpazdar anyqtaldy. Sondaı-aq, 70, 74, 92 jáne 125 kelide fınalıster esimi belgili boldy.
Qazaq sportynyń jankúıerleri úshin kúres túrlerinen álem chempıonatynyń jetinshi jarys kúni qyzyǵymen birge «áttegen-aıy» men de este qaldy.
Aıtalyq, keshe 65 keli salmaqta bas júldeden basty úmitker bolǵan tájirıbeli balýanymyz dáýlet Nııazbekov fınalda beldesip, 20 jyl kútken altyndy ýysynan shyǵaryp aldy. Osylaısha kúmiske qol jetkizse, Nurıslam Sanaev qolany el qorjynyna saldy.
Keshe, sondaı-aq, erkin kúresten 70 keli salmaqta el namysyn qorǵap jatqan taǵy bir balýanymyz Nurǵoja Qaıpanov jartylaı fınalda ırandyq balýan Iones Emamıchogaıdy 7:6 esebimen utyp, altyn fınalǵa shyqty. Endi ol búgin altyn medal úshin beldesedi. Keshe 74 kelidegi taǵy bir balýanymyz Danııar Qaısanov jubanysh beldesýine qatysýǵa múmkindik aldy. Endi ol búgin qola medalǵa talasady.
Kúres túrlerinen álem chempıonatynyń 21 qyrkúıek kúngi jarys kestesi:
11.00 – 16.00 – erkin kúresten 61, 79, 86 jáne 97 keli salmaq dárejesindegi irikteý aınalymy;
11.00-16.00 - erkin kúresten 70, 74, 92 jáne 125 keli salmaq dárejesindegi jubanysh beldesýleri;
16.45 -17.45 - erkin kúresten 61, 79, 86 jáne 97 keli salmaq dárejesindegi jartylaı fınaldyq básekeler;
18.00-21.00 - erkin kúresten 70, 74, 92, 125 keli salmaq dárejesindegi fınaldyq beldesýler jáne marapattaý rásimi.
