Kúresten ÁCh: Qos qazaqstandyq balýan qola júlde úshin beldesýge múmkindik aldy
NUR-SULTAN. QazAqparat – Qos qazaqstandyq balýan Nılýfar Raımova men Dıana Kaıýmova Norvegııa astanasy Osloda kúres túrlerinen ótip jatqan álem chempıonatynda qola júlde úshin beldesýge múmkindik aldy, dep habarlaıdy QazAqparat tilshisi.
Qazaqstandyqtardy jeńgen balýandar fınalǵa joldama aldy.
Sondyqtan 7 qazan kúni N.Raımova 57 kelige deıin, D.Kaıýmova 59 kelige deıingi salmaqta jubanysh beldesýlerine shyǵady.
Ekeýiniń de qarsylastary – mońǵolııalyq sportshylar. N.Raımova Davaachımeg Erhembaıar, D.Kaıýmova Shoovdor Baatardjavpen kúresedi.
Buǵan deıin Osloda qazaqstandyq erkin kúres sheberleri júldesiz qalǵan bolatyn.
Eske sala keteıik, budan buryn qazaqstandyq balýan Jámıla Baqbergenovanyń álem chempıonatynyń fınalyna shyqqanyn jazǵan bolatynbyz.
Osylaısha J.Baqbergenova Osloda Qazaqstan quramasynyń qorjynyna alǵashqy júldeni salyp otyr. 7 qazan kúni ol fınalda japonııalyq Masako Fýrýıchımen altyn medal úshin talasady.
Sondaı-aq Italııada qazaqstandyq dzıýdoshy jastar arasynda álem chempıonatynyń qola júldegeri atandy.
