Kúresten ÁCh-da 3-oryn alǵan aqmolalyq oıda joqta kúmis júldeger atandy
KÓKShETAÝ. QazAqparat - Aqmolalyq palýan sporttyq kúresten ótken Əlem chempıonatynda oılamaǵan jerden kúmis júldeger atandy, dep habarlaıdy QazAqparat tilshisi.
Oblystyq dene shynyqtyrý jáne sport basqarmasynyń baspasóz qyzmeti bergen málimetterge qaraǵanda, Bolgarııanyń Plovdıv qalasynda ardagerler arasynda ótken baıraqty dodaǵa Qazaqstan ulttyq quramasy sapynda bolǵan Aqmola oblysynan tórt palýan qatysty.
Onyń ishinde atbasarlyq Qaırat Boranbaev 85 keli salmaq boıynsha úshinshi orynnan kórindi. Alaıda, júldegerlerdi marapattaý rásimi kezinde jarys jeńimpazy Iran palýany ekinshi oryn alǵan Izraıl sporshysynyń qolyn almaq túgili tuǵyrǵaǵa shyqpady. Tóreshiler asaý minez tanytqan ırandyqty jarystan shyǵaryp tastady. Nətıjesinde aqmolalyq Qaırat Boranbaev avtomatty túrde kúmis júldeger atanyp shyǵa keldi.
Eske sala keteıik, osyǵan deıin taǵy bir aqmolalyq palýan Muhtar Ýsın 70 keli salmaqta grek-rım kúresi boıynsha boz kilemge shyǵyp, júldeli úshinshi orynnan kóringen bolatyn. Murat alǵashqy beldesýde 4-1 upaı sanymen ırandyqtan basym tústi. Al, jartylaı fınalda álemniń 5 dúrkin chempıony frantsýzdyq Georgıı Hrıstovqa ese jiberip aldy. Qola medal úshin kúreste alań ıesinen 1-0 upaıy aırymasymen aılasyn asyra bildi.
