Kúresten ÁCh: Almat Kebispaev jartylaı fınalǵa shyqty
NUR-SULTAN. QazAqparat - Norvegııanyń Oslo qalasynda ótip jatqan álem chempıonatynda grek-rım kúresinen Qazaqstan komandasynyń kapıtany Almat Kebispaev jartylaı fınalǵa shyqty, dep habarlaıdy QazAqparat Olympic.kz-ke silteme jasap.
67 kelige deıingi salmaqta synǵa túsken Almat Kebispaev shırek fınalda kilem qojaıyny, 2020 jylǵy Eýropa chempıony Morten Toresenmen kezdesken bolatyn.
Tartysty beldesýdiń birinshi kezeńinde Almat qarsylasyna 0:5 esebimen jol berdi. Ekinshi kezeńde sátti ádis jasap, tórttaǵan kezinde mańyzdy upaı ıelenip, 9:6 esebimen jeńiske jetti.
Jartylaı fınalda Almat Kebispaev reseılik Nazır Abdýllaevpen beldesedi.
