Kúres: Jerlesimiz A. Baızaqov álem chempıonatynyń kúmis júldegeri atandy
ASTANA. Shildeniń 21-i. QazAqparat /Ernur Aqanbaı/ - Vengrııada ótip jatqan jasóspirimder arasyndaǵy álem chempıonatynda qazaqstandyq grek-rım kúresiniń sheberi Aısultan Baızaqov kúmis júldeger atandy.
QR Grek-rım, erkin jáne áıelder kúresi federatsııasynyń málimetinshe, jerlesimiz fınalda ázirbaıjandyq palýan Eldanız Azızlıge 0:0, 0;1 esebimen utylyp qaldy. Keshe bastalǵan jarystyń birinshi kúninde 50, 60, 74 jáne 96 kg. salmaq dárejesi boıynsha medaldar jıyntyǵy sarapqa salynǵan. Osy kúni boz kilem tórine shyqqan jerlesterimizden tek A. Baızaqov qana júldegerler qataryna ilikti. Al Erbol Kıikbaev (60 kg) Maqsat Erejepov (74 kg) jáne Ilıa Nastochenkolar (96 kg) eshqandaı júldege qol jetkize almady. Búgin boz kilemge Mádı Jarbolov (55 kg) Renat Nyǵmatýllın (66 kg), Nıkolaı Nıkıtıýk (84 kg) jáne Samalbek Nysanbaev (120 kg) shyǵady.
