Kúres túrlerinen Qazaqstan chempıonatynyń oıyn kestesi jarııalandy

Astana qalasynda ótetin kúres túrlerinen Qazaqstan chempıonatynyń oıyn kúntizbesi jarııalandy, dep habarlaıdy Kazinform.

El birinshiligi 1-5 aqpan aralyǵynda eresekter arasynda grek-rım, áıelder jáne erkin kúresten ótkiziledi.

Jarys Astana qalasyndaǵy Jaqsylyq Úshkempirov atyndaǵy Jekpe-jek saraıynda bolady.  

1 aqpan. Grek-rım kúresi - 55, 63, 72, 82 jáne 97 keli.
2 aqpan. Grek-rım kúresi - 60, 67, 77, 87 jáne 130 keli.
3 aqpan - Áıelder kúresi - 50, 53, 55, 57, 59, 62, 65, 68, 72 jáne 76 keli.
4 aqpan, Erkin kúres - 57, 65,74,86 jáne 92 keli.
5 aqpan. Erkin kúres - 61,70,79,97 jáne 125 keli.

Jarystyń saltanatty ashylýy - 1 aqpan elorda ýaqytymen saǵat 17.30-da ótkiziledi.

Jarystyń bastalýy kún saıyn saǵat 10.30-ǵa belgilengen.

Jarystyń ár kúninde jeńimpazdar men júldegerler kún saǵat 18.00-da bastalatyn saıys barysynda anyqtalady.

Ulttyq birinshilikke elimizdiń 17 oblysy men Almaty, Astana, Shymkent qalalarynan kelgen balýandar ózara myqtyny anyqtaıdy.

El birinshiliginiń nátıjesinnen keıin Bishkekte (Qyrǵyzstan) ótetin Azııa aımaqtyq, Ystanbulda (Túrkııa) ótetin álemdik irikteý týrnırinde baq synaıtyn balýandar esimi belgili bolmaq.

Federatsııanyń baspasóz mamany Aspandııar Esenjolovtyń aıtýynsha, erkin kúresten álem chempıonatynyń qola júldegeri Azamat Dáýletbekov pen grek-rım kúresinen qurama múshesi Nursultan Tursynov el chempıonatynan bosatylǵan.

Ekeýi de Parıj Olımpıadasyna joldama alýyna baılanysty daıyndyqqa kiristi.