Kúres túrlerinen Azııa qurlyǵynyń lıtsenzııalyq jarysynyń resmı ashylý saltanaty ótti
BІShKEK. KAZINFORM – Qyrǵyzstan astanasy Bishkek qalasynda kúres túrlerinen Azııa qurlyǵynyń lıtsenzııalyq jarysynyń resmı ashylý saltanaty ótti.
3 kúnge jalǵasatyn básekede 18 salmaq boıynsha 40-qa jýyq memleket 174 balýan 36 Olımpıada joldamasyn sarapqa salyp jatyr.
Atalǵan týrnırde Qazaqstan atynan 16 balýan Olımpıada joldamasyna talasýda.
Búgin birinshi bolyp erkin kúres sheberleri jarysty bastady. Alǵashqy jarys kuni Qazaqstan quramasynan bes balýan shyǵyp, onyń ekeýi jarys jolynan shyǵyp qalsa, úsheýi jartylaı fınalǵa shyqty.
Endi 74 keli salmaqta Nurqoja Qaıpanov, 97 keli salmaqta Álisher Erǵalı jáne 125 keli salmaqta ıÝsýp Batyrmurzaev jartylaı fınalda Olımpıada joldamasy úshin beldesedi.
Aıta keteıik, atalǵan týrnırde Olımpıada joldamasy tek fınalǵa shyqqan balýandarǵa beriledi.
