Kúres túrlerinen ÁCh: Nurıslam Sanaev jartylaı fınalda súrindi
NUR-SULTAN. QazAqparat – Elorda tórinde kúres túrlerinen ótip jatqan lıtsenzııalyq Álem chempıonatynda erkin kúresten Nurıslam Sanaev jartylaı fınalda jeńilip qaldy, dep habarlaıdy QazAqparat tilshisi.
Erkin kúresten 57 kelide el namysyn qorǵap jatqan Nurıslam Sanaev jartylaı fınalda túrkııalyq Sýleıman Atlydan utylyp qaldy. Endi ol tek qola medal úshin ǵana boz kilemge shyǵady.
Aıta ketsek, Sanaev osyǵan deıin shırek fınalda kolýmbııalyq Oskar Ýrbanodan aılasyn asyryp, jartylaı fınalǵa ótken bolatyn. Sonymen qatar Tokıo Olımpıadasyna joldamany da qosa jeńip aldy.
Esterińizge sala ketsek, osyǵan deıin 65 keli salmaqta erkin kúresten Dáýlet Nııazbekov kúres túrlerinen 2019 jylǵy álem chempıonatynyń fınalyna shyqqan bolatyn.
