Kúres túrlerinen ÁCh: Qazaqstan qorjyny taǵy bir qola medalmen tolyqty
NUR-SULTAN. QazAqparat – Elorda tórinde kúres túrlerinen ótip jatqan lıtsenzııalyq Álem chempıonatynda erkin kúresten Qazaqstan qorjyny taǵy bir qola medalmen tolyqty, dep habarlaıdy QazAqparat tilshisi.
Búgin erkin kúresten 57 kelide el namysyn qorǵap jatqan Nurıslam Sanaev keshe jartylaı fınalda túrkııalyq Sýleıman Atlydan utylyp, búgin qola medalǵa talasqan bolatyn. Ol álem birinshiliginiń úshinshi ornyna talasta serbııalyq balýandy utyp, qola medalǵa qol jetkizdi. Onyń enshisinde qola medalmen qatar Tokıo 2020 Olımpıada oıyndarynyń joldamasy bar.
Esterińizge sala keteıik, osyǵan deıin Dáýlet Nııazbekov kúmis medal jeńip alǵan bolatyn.
Dál búgingi esep boıynsha Qazaqstan quramasy kúrestiń úsh túrinen (grek-rım, áıelder jáne erkin kúresten) eki kúmis, tórt qola medal jeńip aldy. Kúmis júldeniń birin grek-rım kúresinen Qorlan Jaqansha qanjyǵasyna baılasa, ekinshisin erkin kúresten Dáýlet Nııazbek enshiledi. Al qola medaldardy Almat Kebispaev, Meırambek Aınaqulov (ekeýi de - grek-rım kúresi), Nurıslam Sanaev (erkin kúres) jáne Valentına Islamova (áıelder kúresi) qola medal aldy.
