Kúres túrlerinen ÁCh: Almat Kebispaev qola medaldi enshiledi
NUR-SULTAN. QazAqparat - Kúres túrlerinen elordada ótip jatqan álem chempıonatynda Qazaqstan qorjynyna ekinshi medal tústi, dep habarlaıdy QazAqparat tilshisi.
Grek-rım kúresinen 63 keli salmaqta el namysyn qorǵap jatqan Almat Kebispaev qola medal úshin beldesýde qyrǵyzstandyq Tynar Sharshenbekovpen beldesip, qarsylasyn 9:0 esebimen oısyrata utty. Osylaısha Almat kúres túrlerinen álem chempıonatynyń qola júldegeri atanyp, Qazaqstan qorjynyna ekinshi medaldi saldy.
Esterińizge sala keteıik, Almat Kebispaev álem chempıonatynyń alǵashqy kúni jartylaı fınalynda japondyq Ota Shınobýǵa ese jibergen bolatyn. Qazaqstandyq balýannyń ejelgi qarsylasy bul joly da aılasyn asyryp ketti. Ota Shınobý 2016 jylǵy Rıo Olımpıadasynyń 1/8 fınalynda taǵy da Almatty jarys jolynan taıdyrǵan bolatyn.
Foto: olympic.kz
