Kúres túrleri: Álem chempıonatyna qatysatyn balýandar belgili boldy

ASTANA. QazAqparat - Qazannyń 20-28 aralyǵynda Vengrııanyń Býdapesht qalasynda kúres túrlerinen álem chempıonaty jalaýyn kóteredi, dep habarlaıdy QazAqparat tilshisi.

QR Kúres túrleri federatsııasynyń baspasóz qyzmeti habarlaǵandaı, osyǵan baılanysty Qazaqstan quramasynyń bapkerleri dúnıejúzilik dodada el namysyn qorǵaıtyn balýandardyń esimin atady.

Álem chempıonatyn alǵashqy bolyp, erkin kúres balýandary bastaıdy. Odan keıin bozkilemge boıjetkender shyqsa, jarysty grek-rım kúresiniń sheberleri aıaqtaıdy.

Atalǵan dodada el namysyn myna balýandar qorǵaıdy:

Erkin kúres - Nurıslam Sanaev (57 keli), Qýat Ámirtaev (61 keli), Dáýlet Nııazbekov (65 keli),Amandyq Bákeev (70 keli), Bolat Saqaev (74 keli), Baqtııar Іzbasarov (79 keli), Ádilet Daýlanbaev (86 keli), Nurǵalı Nurǵaıypuly (92 keli), Ermuhamed Іńkár (125 keli); Bas bapker - Áset Serıkbaev.

Qyzdar kúresi - Valentına Islamova (50 keli), Juldyz Eshımova (53 keli), Marına Sedneva (55 keli), Emma Tısına (57 keli), Altynaı Satylǵan (59 keli), Aıaýlym Qasymova (62 keli), Ekaterına Larıonova (68 keli), Jámıla Baqbergenova (72 keli), Elmıra Syzdyqova (76 keli); Bas bapker - Nurlan Amanqosov;

Grek-rım kúresi - Janserik Sársenbıev (55 keli), Aıdos Sultanǵalı (60 keli), Aıdyn Nuǵymarov (63 keli), Meıirjan Shermahanbet (67 keli), Demeý Jadyraev (72 keli), Tamerlan Shadýkaev (77 keli), Maqsat Erejepov (82 kg), Azamat Qustybaev (87 keli), Álimhan Syzdyqov (97 keli), Mansur Shadýkaev (130 keli). Bas bapker - Nurym Dúısenov.