Kúres túrleri federatsııasy jyl úzdikterin marapattap, páter berdi
ASTANA. KAZINFORM – Búgin Astanada Qazaqstan Respýblıkasynyń Grek-rım, erkin jáne áıelder kúresi federatsııasynyń 2024 jyldyń qorytyndysyna arnalǵan esep berý konferentsııasy ótip, jyldyń úzdikteri marapattaldy.
Olardyń arasynda Demeý Jadyraev, Nurǵoja Qaıpanov jáne Islam Evlovevke arnaıy páter kiltteri tabystaldy.
Sondaı-aq, Qazaqstan Respýblıkasynyń Grek-rım, erkin jáne áıelder kúresi federatsııasy 2024 jyldyń úzdikteri qatarynda «Sport ardagerleri», «Jyl sportshysy», «Úzdik bapker», «Jyl serpilisi», «Úzdik tóreshi», «Úzdik aımaqtyq federatsııa» jáne kúres túrlerin nasıhattap, sportshylarymyzdyń eren jetistikteri men sheberlikterin elge súıinshilep jazyp júrgen birqatar jýrnalıstter marapattaldy.
Eń áýeli sport ardagerleri QR Týrızm jáne sport mınıstrliginiń tósbelgilerin ıelendi.
Olar:
1. QR ESJ ıÝn Vıktor – «Dene shynyktyrý pen sportty damytýǵa sińirgen eńbegi úshin»
2. QR ESJ Jaksybekov Sarjan Bektemiruly - «Eńbek ardageri»
3. QR ESJ Gafarov Ildar Imalevıch – «Eńbek ardageri».
4 Olımpıada dárejesindegi tóreshi - Baqytjan Jaqsyǵulov arnaıy Alǵys hatpen marapattaldy.
Al sportshylar arasynda:
«Jyl sportshysy» - Demeý Jadyraev - Olımpıada júldegeri
«Úzdik bapker» - Qonysbek Týkenov – U-20 aǵa bapkeri
«Jyl serpilisi» – Rızabek Aıtmuhan - 2024 jyly 2 altyn medal ıelengen
«Úzdik tóreshi» - Ksenııa Drobına – halyqaralyq dárejedegi tóreshi
«Úzdik aımaqtyq federatsııa» - Jambyl oblysy – federatsııa prezıdenti Alimbek Jumabaev bar.
Sonymen qatar osy jyly ártúrli dodalarda el qorjynyna medal salǵan 64 júldeger aqshalaı syıaqyǵa ıe boldy. Syıaqy bas jattyqtyrýshylarǵa, aǵa bapkerlerge, dárigerler jáne medıtsına qyzmetkerlerine de buıyrdy.
Sol sııaqty, 5 jýrnalıst federatsııa prezıdentiniń arnaıy Alǵys hatyn aldy.
Olar:
Kúnsultan Otarbaeı – «Kazınform» HAA
Ánýar Abdrahmanov – «Habar 24» telearnasy
Teljan Kýderov – «Qazsport» telearnasy
Albert Ahmetov – «Karavan» gazeti
Aslan Qajenov – «Habar 24» telearnasy.
Esterińizge sala keteıik, osyǵan deıin bıyl kúres túrlerinen el sportshylary qansha medal jeńip alǵanyn jazǵan bolatynbyz.