Kúres: Şýchede halyqaralyq týrnırdiń jeńimpazdary anyqtaldy
KÓKShETAÝ. QazAqparat - Aqmola oblysynyń Şýche qalasynda QazKSR-nyń eńbegi sińirgen jattyqtyrýshysy Ahmetjan Qazymbetovtiń qurmetine arnalǵan halyqaralyq týrnır ótti. Sport dodasynda 2001-2003 jyly týǵan uldar men qyzdar arasynda erkin jáne áıelder kúresinen jeńimpazdar belgili boldy, dep habarlaıdy QazAqparat tilshisi.
«Jaqsy» sport kesheninde uıymdastyrylǵan baıraqty bəsekege Qazaqstan, Reseı, Ázerbaıjan, Ózbekstan jáne Qyrǵyzstan elderinen kelgen ár salmaqtaǵy 400 astam sportshy qatysyp, baqtaryn synady.
Týrnır qorytyndysy boıynsha Qazaqstan quramasy 10 altyn, 15 kúmis, 27 qola medalǵa qol jetkizdi (Onyń ishinde Aqmola oblysynyń palýandary 1 kúmis, 5 qola medal ıelendi). Ózbekstan quramasy 3 altyn, 2 kúmis jəne 4 qola medal, Əzirbaıjan 3 altyn medal, Qyrǵyzstan 2 altyn, 1 kúmis jəne 5 qola medal, Reseı atynan qatysqan Býrıatııa komandasy 1 altyn, 1 kúmis jáne 2 qola medal alsa, Saha (ıAkýtııa) komandasy 1 altyn men 1 kúmis medaldi qanaǵat tutty.
Sonymen qatar, «Eń úzdik tehnıka» atalymy men A.Qazymbetovtiń arnaıy syılyǵynyń ıegerleri de marapattaldy.
