Kúres: Respýblıkalyq týrnırde jeńimpaz-kadetter anyqtaldy
ASTANA. 7 mamyr. QazAqparat - Ótken demalys kúnderi Almatyda ótken 1995-1997 jylǵy kadetter arasyndaǵy Respýblıkalyq kúres týrnıri ótti.
Týrnırdiń qorytyndysy boınsha Meden Arslan (46 keli), Mırat Qýandyq (54 keli), Rahman Shaharbek (63 keli), Hýseın Mýtsolgov (76 keli) jáne Aıan Birjanov (100 keli) jeńimpaz atandy. Olardyń bárine Qazaqstannyń eńbegi sińgen bapkeri, sport sheberi Dáýlet Turlyhanovtyń arnaıy syılyqtary tabystaldy.
Qazaqstannyń jastar quramasynyń bas bapkeri Serik Jumashevtyń aıtýynsha, alda Azııa chempıonaty bar. «Ol maýsym aıynda Bishkek qalasynda ótedi. Osydan keıin biz qurlyqtyq birinshilikke daıyndalatyn bolamyz. Shynyn aıtý kerek, sońǵy eki jyldyń ishinde jastardyń kúreske degen qyzyǵýshylyǵy artyp keledi. Bul jáıt bizdi qatty qýantady», - deıdi S.Jumashev.
