KÚRES: Olımpıadaǵa joldama sany 12-ge jetti
ASTANA. QazAqparat - Kúres túrlerinen Astanada Azııa qurlyǵy boıynsha Olımpıadaǵa irikteý týrnıriniń úshinshi kúninde Qazaqstan quramasy tórt joldama aldy. Grek-rım kúresiniń balýandary joldama jolynda jeńildi, dep habarlaıdy alaman.kz saıty.
Áıelder kúresi
Jeńil salmaqtaǵy (48 keli) Juldyz Eshimova shırek fınalda ózbek qyzy Jaqsymuratovany 10:0, jartylaı fınalda úndis arýy Vıneshti 5:4 esepbimen jeńip joldama aldy.
63 kelide kúresken Ekaterına Larıonova jartylaı fınalda úndis Antıany 8:2 esebimen utyp, fınalǵa shyqty jáne joldamaǵa ıe boldy.
Erkin kúres
86 kelide kúresken Aslan Kahıdze Olımpıada oıyndaryna joldama alyp berdi. Ol jartylaı fınalda japon Matsýmotany 6:3 kórsetkishimen jeńdi.
Erkin kúresten asa aýyr salmaqtaǵy (125 keli) Dáýlet Shabanbaı ekinshi márte Olımpıada oıyndaryna barýǵa múmkindik aldy. Ol jartylaı fınalda qyrǵyz Aıal Lazarevti 10:8 esebimen jeńip fınalǵa shyqty.
Grek-rım kúresi
66 kúresken legıoner Magomed Chýhalov jartylaı fınalda japon balýany Inoýeden 2:1 nátıjesimen jeńildi. Chýhalov joldamadan qaǵyldy, tek úshinshi oryn úshin kúresedi.
98 kelide beldesken elimizdiń on dúrkin, Azııanyń eki márte chempıony Marǵulan Ásembekov ýysyndaǵy joldamany jiberip aldy. Jartylaı fınalda úndis balýany Hardeepten 11:2 esebimen jeńildi. Alǵashqy aınalymda Álı ál-Kaabıdi 8:0 nátıjesimen jeńgen edi. Ásembekov áli Olımpıada oıyndaryna barmaǵan.
Osylaısha palýandar 12 Olımpıada joldamasyna ıe boldy.
Eske sala ketsek, kelesi irikteý týrnırleri Ulan-Batyrda (Mońǵolııa) 22-24 sáýirde jáne ekinshi irikteý Stambulda (Túrkııa) 6-8 mamyr kúnderi bolady.
