Kúres: Nurǵoja Qaıpanov Italııadaǵy halyqaralyq týrnırde top jardy
NUR-SULTAN. QazAqparat -Italııanyń Sassarı qalasynda erkin jáne áıelder kúresinen Sassari City MAtteoPellicone Memorial halyqaralyq týrnıri aıaqtaldy. Qazaqstandyq erkin kúres sheberleri jalpy esebi 7 medal enshilep, komandalyq esepte birinshi orynǵa shyqty dep habarlaıdy Olympic.kz.
Jaqynda ǵana Azııa chempıonatynda top jarǵan Nurǵoja Qaıpanov Italııada da qarsylas shaq keltirgen joq. Ol 70 kelide jeńimpaz atandy. Rasýl Qalıev (61 keli), Danııar Qaısanov (74 keli, Ǵalymjan Óserbaev (79 keli), Azamat Dáýletbekovter (86 keli) kúmisti qanaǵat tutty.
Saıatbek Oqasov (65 keli) pen Oleg Boltın (125 keli) qola júldegerler qatarynda.
Qyzdar arasyndaǵy synda Aına Temirtasova (65 keli) men Jámıla Baqbergenova (72 keli) úzdik úshtikke engen.
