Kúres: Qazaqstannyń áıelder quramasy Bakýdegi týrnırde 2 altyn jáne 2 kúmis medaldi jeńip aldy
ASTANA. Shildeniń 19-y. QazAqparat /Ernur Aqanbaı/ - Bakýde ótken kúresten Golden gran-prı týrnırinde Qazaqstannyń áıelder quramasy 2 altyn jáne 2 kúmis medaldi jeńip aldy. QR Grek-rım, erkin jáne áıelder kúresi federatsııasynyń málimetinshe,erkin kúresten 48 keli salmaqta synǵa túsken Azııanyń kúmis júldegeri Juldyz Eshimova fınalda japondyq Aıano Sýdzýkıdi jeńip, altynnan alqa taqty.
Taǵy bir altyn medaldi 2009 jylǵy álem chempıonatynyń qola júldegeri 67 keli salmaqta óner kórsetetin Elena Shalygına jeńip aldy. Ol da aqtyq synda japondyq palýan Mamı Shınkaıdan basym tústi. Al, 55 keli salmaqty beldesken Aıym Ábdildına fınalda ýkraınalyq Natalıa Sınıshınǵa utylyp, altyn medaldi ýysynan shyǵaryp aldy. Azııa chempıony, 72 keli salmaqta beldesetin Gúzel Manıýrova da fınalda bolgarııalyq Stanka Zlatevoǵa ese jiberdi. Al, 51 keli salmaqta el namysyn qorǵaǵan 2009 jylǵy Azııa chempıony Tatıana Bakatıýk ýkraınalyq Aleksandra Kogýtqa utylyp qalyp, qola júldeden qur qaldy.
