Kúres: Qazaqstandyq qyzdar álem chempıonatyn júldesiz aıaqtady

ASTANA. QazAqparat  - Býdapeshte ótip jatqan kúresten álem chempıonatynda qazaqstandyq qyzdar jarysty júldesiz aıaqtady, dep habarlaıdy QazAqparat tilshisi. 

QR Kúres túrleri federatsııasy baspasóz qyzmetiniń habarlaýynsha, Býdapeshte ótip jatqan álem chempıonatynda qyzdar kúresinen jarys aıaqtalady. 53 keli salmaqta el namysyn qorǵaǵan Juldyz Eshimova álem chempıonatyn besinshi orynmen qorytyndylady. Ókinishke qaraı, Juldyz qola medal úshin bolǵan beldesýde kanadalyq Dıana Vaıkerden 2:3 esebimen jeńilip qaldy.

Aıta keteıik, Juldyz keshe jarystyń 1/8 fınalynda amerıkandyq Sara Hıldebrandtan utylyp qalǵan edi. Al jubanysh beldesýde ázirbaıjandyq Anjela Dorogannan 5:3 esebimen basym tústi.

Buǵan deıin habarlaǵanymyzdaı, Qazaqstan quramasynyń balýandary erkin kúresten bir kúmis medal jeńip alǵan bolatyn. Ony qorjynymyzǵa 57 keli salmaqta kúresken Nurıslam Sanaev saldy.


FOTO: Qazaqstan UOK baspasóz qyzmeti