Kúres: Qazaqstan quramasy Ivan Poddýbnyı týrnırinde ekinshi oryn aldy
ASTANA. Qańtardyń 19-y. QazAqparat /Ernur Aqanbaı/ - Grek-rım kúresinen Qazaqstan quramasy Reseıde ótken Ivan Poddýbnyı atyndaǵy halyqaralyq týrnırde jarys qojaıyndaryna jol berip, jalpykomandalyq esepte ekinshi oryn aldy,
dep habarlaıdy QazAqparat.
«Bizdiń sport» saıtynyń málimetinshe, palýandarymyz bir altyn, bir kúmis jáne eki qola júldeni jeńip aldy. «Beldesýler jeti salmaq dárejesi boıynsha ótti. Biz úshin 60 kıláǵa deıingi salmaq dárejesi tabysty boldy. Munda óner kórsetken Almat Kebisbaev chempıon atandy. Ol fınalda amerıkandyq Djozef Samýeldi jeńdi. Kebisbaev osy qurmetti týrnırdiń jeńimpazy atanǵan besinshi qazaqstandyq palýan», delingen «Bizdiń sport» saıtynyń habarlamasynda.
Onyń málimetinshe, quramanyń kóshbasshylarynyń biri, 96 kılá salmaqta óner kórsetetin Áset Mámbetov aqtyq synda reseılik Rústem Totrovtan jeńilip qalǵan. 84 kılá salmaqta Alhazýr Ozdıev, al 120 kılá salmaqta Nurmahan Tynálıev qurama qorjynyna qola júlde salǵan. Jalpy alǵanda, qurama jattyqtyrýshylary palaýandarymyzdyń ónerine tánti bolǵan, sebebi jarysqa barǵandar tájirıbelik quram bolǵan.
