Kúres: Azııa Federatsııasyna Qazaqstan ókili endi
ASTANA. 18 sáýir. QazAqparat - Nıý-Delıde (Úndistan) Azııa chempıonatynyń aldynda Azııa kúres Keńesiniń bas Assambleıasy ótti. Osy jıynda aldaǵy 4 jyldyq merzimge atalǵan uıymnyń jańa atqarýshy komıteti saılandy. Qazaqstan atynan atalmysh jıynǵa Qazaqstan kúres Federatsııasynyń bas hatshysy Jańabergen Karmandaev, halyqaralyq qatynastar jónindegi menedjer Elmıra Tasımova qatysty. Bul týraly Qazaqstan kúres federatsııasy baspasóz qyzmeti málimdedi, dep jazady «Alaman».
Azııa kúres Keńesiniń Prezıdenti retinde Doktor Chang Kıý Kım (Ońtústik Koreıa) qaıta saılandy.
Biz úshin qýanyshty habar da bar. Endi, Azııa qaýymdastyǵynyń sapynda Qazaqstan ókili de bar. Ol - Elmıra Tasımova. E.Tasımova kóp jyldan beri sport, sonyń ishinde kúres salasynda eńbek etip keledi.
AAWC atqarýshy komıtetiniń jańa quramy:
1. Doktor Kım Chang Kıý (Ońtústik Koreıa) - prezıdent
2. Vangsan Sýchantabýtr (Taıland) - AAWC atqarýshy komıtetiniń múshesi
3. Abdýlla Majhrebı (Iemen) - AAWC atqarýshy komıtetiniń múshesi
4. Dolgosýren Dagvadorj (Mońǵolııa) - AAWC atqarýshy komıtetiniń múshesi
5. Radj Sıng (Úndistan) - AAWC atqarýshy komıtetiniń múshesi
6. Hıroakı Tsýkamoto (Japonııa) - AAWC atqarýshy komıtetiniń múshesi
7. Tasımova Elmıra (Qazaqstan) - AAWC atqarýshy komıtetiniń múshesi.
