Kúres: Astanadaǵy Olımpıadalyq irikteý jarysynda Qazaqstan komandasy alǵashqy júldeni oljalady
ASTANA. 30 naýryz. QazAqparat - Astanada kúres túrlerinen ótip jatqan Olımpıadalyq irikteý jarysynda qazaqstandyq Aqjúrek Tańatarov kúmis júldege ıe boldy.
66 kelide óner kórsetetin jerlesimiz sheshýshi beldesýde ózbek Ihtıor Navrýzovtan jeńilip qaldy.
Búgin A. Tańatarov fınaldyq teke-tireske jetý jolynda qytaılyq Kataı Erlanbıekemen, ekinshi kezdesýde úndis Kýmar Shıshılmen boz kilemge shyǵyp, ekeýin de utqan bolatyn. Degenmen, budan buryn habarlaǵanymyzdaı, aqtyq syndaǵy jeńilisine qaramastan, Aqjúrek London joldamasyn enshiledi.
