Kúre jolda soqtyǵysqan eki júk kóligi órtenip ketti
ASTANA. QazAqparat - Qyrǵyzstannyń Naryn oblysy, Qoshqar aýdanynyń Sútti Bulaq aýylynda eki júk kóligi soqtyǵysyp, artynsha órtengen. Bul týraly Kabar habarlady.
Qyrǵyz Respýblıkasy Tótenshe jaǵdaılar mınıstrliginiń málimetinshe, jol-kólik oqıǵasy 11 shilde kúni 08:20-da bolǵan. Bishkek-Naryn-Torýgart avtojolynyń 222-kılometrinde Volvo jáne Renault markaly júk kólikteri soqtyǵysqan.
Apat saldarynan Volvo tolyǵymen órtengen, al Renonyń tirkemesi janǵan.
Abyroı bolǵanda qurban bolǵandar joq, eshkim zardap shekpegen.
