Kúrdterdiń ótinishi boıynsha Iraktaǵy parlamenttik saılaý bir kúnge - 2010 jylǵy naýryzdyń 7-sine ysyryldy
ASTANA. Jeltoqsannyń 9-y. QazAqparat - Iraktaǵy parlamenttik saılaý bir kún keıinge ysyryldy. Endi ol buǵan deıin josparlanǵandaı, 2010 jylǵy naýryzdyń 6-synda emes, 7-sinde ótedi.
Bul kúndi eldiń prezıdenttik keńesi bekitti, dep habarlaıdy ITAR-TASS agenttigi.
Saılaý týraly jańa zańnyń biraz kidirispen qabyldanyp, sonyń nátıjesinde daýys berý úrdisiniń bastapqyda josparlanǵan qańtardyń 16-synda ótkizýdiń múmkin bolmaýyna baılanysty, saılaý naýryzdyń 6-syna belgilengen edi.
Biraq ta bul data kúrdter úshin tarıhtaǵy kóńilsiz oqıǵamen baılanysty kún. 1975 jyly naýryzdyń 6-synda Aljırde ótken OPEK konferentsııasynda Iran shahy Mohammed Reza Pehlevı men sol kezdegi Irak vıtse-prezıdenti Saddam Hýseın munaıdyń baı qoryna ıe Tıgr men Evfrat ózenderi quıylatyn Shatt-ál-Arab ózeni boıymen shekara syzyǵyn belgileý týraly shartqa qol qoıǵan bolatyn. Kúrdter osynaý shartpen olardyń quqyqtaryna nuqsan keltirildi dep sanaıdy.
