Kúrdter Sırııa ataýyndaǵy «arab» sózin alyp tastaý týraly usynysty maquldady
ASTANA. QazAqparat - Sırııalyq kúrdter Reseı usynǵan Sırııa konstıtýtsııasy jobasyndaǵy «arab» sózin eldiń tolyq ataýynan alyp tastaýdy qoldady.
Bul týraly Demokratııalyq odaq partııasynyń ókili Haled Issa málim etti, dep habarlaıdy RIA "Novostı".
«Reseı usynǵan kóptegen jaqsy usynystar bar. Sonyń biri Sırııa ataýyndaǵy «arab» sózin alyp tastaý, ıaǵnı «Sırııa Arab respýblıkasy» degenniń ornyna - «Sırııa respýblıkasy» dep qaldyrý. Sebebi Sırııa kóp etnosty memleket, sondyqtan mundaǵy halyqtardyń barlyǵynyń quqyǵy qorǵalýy tıis», - dedi ol.
