Kúrdistan jumysshy partııasy tarady

ASTANA. KAZINFORM – Sheshim partııanyń 12-shi sezinde qabyldandy, dep habarlaıdy VVS.

Kúrdterdiń Rudaw telearnasynyń habarlaýynsha, KJP óziniń uıymdyq qurylymyn taratady, áskerı kúresti de qoıyp, óziniń burynǵy ataýymen qyzmetin toqtatady.

- Kúrdistan jumysshy partııasy halqymyzǵa qarsy moıyndamaý, joıý saıasatyn qurtyp, kúrd máselesin demokratııalyq jolmen sheshýge bolatyn jaǵdaıǵa alyp keldi, ıaǵnı óziniń tarıhı mıssııasyn oryndady, - delingen partııanyń málimdemesinde.

Aqpan aıynyń sońynda partııanyń qamaýda otyrǵan lıderi Abdýlla Odjalan óziniń jaqtastaryn túrik memleketine qarsy qarýly kúresti toqtatyp, qarýdy tastaýǵa shaqyrdy. Osydan keıin partııa Túrkııamen qaqtyǵysta atysty toqtatyp, keıingi strategııany talqylaýǵa kóshti.

Kúrdistannyń jumysshy partııasy 1978 jyly qurylyp, Túrkııa aýmaǵynda táýelsiz kúrd memleketin qurý jolynda 40 jyldan astam ýaqyt qarýly kúres júrgizdi, myńdaǵan adam qurban boldy.

KJP Túrkııada, AQSh pen Brıtanııada jáne Eýropanyń birqatar elinde terrorıstik uıym dep tanylǵan.

Osyǵan deıin Kúrdistan jumysshy partııasy Túrkııa úkimetimen bitimge keletinin jarııalaǵan bolatyn.